📅 2026 жылдың 1 маусым күні Алқатерек орта мектебінде мектеп жанындағы этно лагерьдің салтанатты ашылу рәсімі өтті.
🌿 Бұл ерекше күн ұлттық рухты асқақтатып, ата-бабамыздан мирас болған асыл мұрамызды дәріптеуге арналды. Лагерьдің басты мақсаты – жас ұрпақты халқымыздың бай мәдениетімен, салт-дәстүрімен таныстырып, ұлттық құндылықтарға деген құрмет пен сүйіспеншілікті арттыру.
🤲 Ашылу салтанатына ауылымыздың қадірлі қажысы Қуанышбай ата және Алқатерек ауылы ақсақалдар алқасының төрағасы Алин Қайыр Угубаевич қатысып, балаларға жүрекжарды ақ тілектері мен ақ баталарын берді. Ақсақалдардың өнегелі сөздері жас буынға рухани күш-қуат сыйлады.
🍦 Балалардың қуанышын еселей түсу мақсатында тәтті балмұздақтар таратылып, ұлттық құндылықтарымыздың символына айналған 🛖 киіз үйге экскурсия ұйымдастырылды. Оқушылар қазақ халқының тұрмыс-тіршілігімен, ұлттық бұйымдарымен және салт-дәстүрлерімен жақынырақ танысты.
🎶 Домбыраның күмбірлеген үні мен ұлттық әуендерге толы мерекеде қазақы нақыштағы көріністер көрсетіліп, өнерлі оқушылар өз өнерлерін ортаға салды. Әрбір әсерлі сәт пен тағылымды көрініс қатысушыларға көтеріңкі көңіл-күй сыйлап, жүректеріне ұмытылмас әсер қалдырды.
🌟 Этно лагерьдің әр күні тәрбиеге, тағылымға, ұлттық құндылықтарды насихаттауға және қызықты сәттерге толы болмақ.
🇰🇿 Ұлттық рухымыз биік, дәстүріміз мәңгі жасай берсін!
#АқжарАуданыныңБілімБөлімі
#Адал_азамат
#этнолагерь
