Цифровизация в Акжарском р-не (1) (1)
2025 жылғы тамыз конференциясында сөз сөйлеген кезде Қасым-Жомарт Тоқаев білім берудегі цифрландыру туралы төмендегідей атап өтті:
• Педагогикалық тәжірибеге цифрландыруды белсенді енгізу қажет.
• Балаларды ерте жастан бастап жасанды интеллект технологияларына мақсатты түрде оқыту қажет. Педагог өз пәнін жақсы біліп қана қоймай, жаңа технологияларды педагогикалық тәжірибеде қолдана білуі тиіс.
• Білім беруді цифрлық трансформациялау білімдегі теңсіздікті азайтып, оқыту сапасын едәуір арттыруға мүмкіндік береді.
Инновациялар ерекше білім беру қажеттіліктері бар балаларды білім беру процесіне тартуға және инклюзивті орта қалыптастыруға жаңа мүмкіндіктер ашады.
Ауданда 520 педагог бар, олардың 100%-ы «Daryn Ustaz», «Орлеу» бағдарламалары бойынша жасанды интеллект курстарынан өтті.
24 мектепте 30 информатика пәні мұғалімі жұмыс істейді. Оның ішінде:
- 10 педагог;
- 16 педагог-модератор;
- 3 педагог-сарапшы (Ащыгөл орта мектебі, Дәуіт орта мектебі, Бестерек орта мектебі);
- 1 педагог-зерттеуші (Талшық орта мектебі).
2024 жылы Талшық орта мектебі «Қазақстан халқына» қорынан «Робототехника» кабинетін алды.
Қазіргі таңда ауданның бес мектебінде балаларға робототехника негіздерін оқыту мүмкіндігі бар: Талшық орта мектебі, Дәуіт орта мектебі, Ақжарқын орта мектебі, Бестерек орта мектебі, Қызылту орта мектебі. Үйірмелерге 4–10 сыныптар аралығындағы 93 оқушы қатысады.
2026 жылғы 8 ақпанда Астана қаласында «Astana Tech Cup» республикалық робототехника чемпионаты өтті. Талшық орта мектебінің оқушысы Шоқан Айдын 1–4 сыныптар санатында ІІ орын иеленді. Жарыс қорытындысы бойынша ол Түркия еліне жолдама жеңіп алды. «Astana Tech Cup» республикалық робототехника чемпионаты жыл сайын өткізіледі. Бұл робототехника бойынша қатысушылар ерікті түрде тіркеліп, қатыса алатын жарыс болып табылады.
2026 жылы «ChatGPT Edu» жобасы енгізілуде. Аталған жоба аясында Солтүстік Қазақстан облысы бойынша Ақжар ауданына 175 лицензия бөлінді. Оның ішінде:
- бастауыш сыныптарға – 47;
- қазақ тілі мен әдебиетіне – 25;
- ағылшын тіліне – 21;
- математикаға – 18;
- орыс тілі мен әдебиетіне – 16;
- тарихқа – 14;
- информатикаға – 10;
- биологияға – 7;
- географияға – 6;
- физикаға – 6;
- химияға – 6 аккаунт.
«ChatGPT Edu» жобасы педагогтердің әкімшілік және әдістемелік жүктемесін азайтуға, сондай-ақ оқытуды сапалы әрі жекелендірілген деңгейде ұйымдастыруға бағытталған.
ChatGPT Edu ұсынатын кейбір мүмкіндіктер:
- оқу материалдарын, тапсырмалар мен тесттерді дайындау, контентті білім алушылардың деңгейіне бейімдеу;
- қазақ, орыс және ағылшын тілдерінде материалдар әзірлеу;
- жұмыстарды тексеру кезінде критерийлер қалыптастыру және кері байланыс дайындау. Сонымен қатар бағалауға қатысты барлық шешімдер мұғалімнің құзыретінде қалады.
Аудан мектептерінің 100%-ы (24 мектеп) интернет желісіне қосылған. Оның ішінде:
- Қазақтелеком – 14 мектеп;
- Fiber Telecom – 1 мектеп;
- Кар-Тел – 2 мектеп;
- Starlink / «Республикалық ғарыштық байланыс орталығы» АҚ – 3 мектеп;
- Astel Starlink – 4 мектеп.
21 мектеп (87,5%) Wi-Fi желісімен қамтамасыз етілген.
Ақжар ауданында «BilimClass» электрондық журналын 24 мектеп (100%) қолданады.
«Testter.kz» білім беру платформасымен 2026 жылғы 2 наурызда 3 880 000 теңге сомасына келісімшарт жасалды.
Мектеп сайттары бойынша «RS Solutions» компаниясымен 2026 жылғы 28 қаңтарда 1 082 400 теңге сомасына келісімшарт жасалды.