2026 жылғы 28 мамыр күні Ақжар ауданының әкімі Рүстем Мұқашұлы Елубаевтың қатысуымен «Мен жастарға сенемін» атты дарынды оқушылармен кездесу өтті.
📚 Іс-шара барысында ауданымыздың білім, ғылым, өнер және спорт салаларында биік жетістіктерге жетіп жүрген талантты оқушылары өз жетістіктерімен бөлісті. Оқушылар аудан әкімімен еркін форматта сұхбаттасып, көкейлеріндегі сұрақтарын қойды.
🏆 Кездесуге облыстық және республикалық олимпиадалар мен ғылыми жобалар байқауларының жеңімпаздары, «Зерде», «Ақберен», «Алтын түлек» байқауларының жүлдегерлері, ұлттық мектеп лигасының спортшылары және «Серпер» өнер мектебінің талантты шәкірттері қатысты.
🎤 Кездесу барысында оқушылар шығармашылық өнерлерін көрсетіп, өлең оқып, күй орындады. Сонымен қатар дарынды жастар аудан әкіміне естелік альбом табыстады.
👏 Іс-шара соңында аудан әкімі дарынды оқушыларға ақшалай сертификаттар табыстап, ата-аналарына Алғыс хаттар жолдады.
🌟 Бұл кездесу — ауданымыздағы талантты жастарға көрсетілген үлкен қолдау мен сенімнің айқын көрінісі болды. Білім мен өнерді серік еткен жас буын — еліміздің жарқын болашағы!
